എന്ത് കൊണ്ട് ആരാധനാലയങ്ങളില്‍ മുസ്ലിം പള്ളികളിലും അവരില്‍ ചിലര്‍ ഇസ്ലാമിന്‍റെ പേരില്‍ നടത്തുന്ന ദര്‍ഗകകളിലും മാത്രം ബോംബു പൊട്ടുന്നത് .. എന്താണ് ബോംബിനു ഇതുകളോട് ഇത്ര പെരുത്ത മുഹബ്ബത്ത് !!
ഇരിക്കട്ടെ,അതിനെക്കാളും മഹാത്ഭുതം ഈ ബോംബുകളെല്ലാം തന്നെ പൊട്ടി പുകയടങ്ങും മുമ്പേ പിടിക്കപെടുന്നതും ഈ പ്രതേക വിഭാഗത്തില്‍ പെട്ടവര്‍ മാത്രമാണെന്നാണ്....! ഇതിനെ ആരെങ്കിലും ചോദ്യം ചെയ്താല്‍ 'ചോറ് ഇവിടെയും കൂറ് അവിടെയും' എന്ന് പ്രസ്താവന തുടങ്ങുകയായി.. അവിടെ എന്നാല്‍ പാകിസ്ഥാന്‍ എന്നര്‍ത്ഥം ..! അതായത്, ആരെയെങ്കിലും പിടിച്ചാല്‍ മിണ്ടാതിരുന്നു കൊള്ളുക. ഇനി ഒളിക്കാന്‍ പറ്റാത്ത വല്ല തെളിവും ബോംബു വെച്ചവരുടെ തന്നെ പിരടിക്ക് വീണാല്‍ അവനു മാനസികം, അല്ലെങ്കില്‍ ഒരു രസത്തിനു ചെയ്തത്, പ്രണയ നൈരാശ്യം തുടങ്ങി നൂറുക്കൂട്ടം പ്രശ്നങ്ങളാണ്..
തൊപ്പിയും താടിയും വെച്ച് ഒരാള്‍ എങ്ങോട്ടെങ്കിലും നടക്കുകയും ലവന്‍റെ കയ്യില്‍ ഒരു ബ്ലൈടോ ചുറ്റികയോ ഉണ്ടാവുകയും ചെയ്താല്‍ ലവന്‍ കുടുങ്ങിയത് തന്നെ.... ഉടന്‍ അവന്‍റെ പദവി പൊങ്ങി അധോലോക ഫീകരനും, പിടികിട്ടാ പുള്ളിയുമൊക്കെ ആയിതീരും..!
 |
| രണ്ടു സാധുക്കള്‍ |
വേണ്ടത്ര തെളിവുകളുടെ അടിസ്ഥാനത്തില്‍ ' ബോംബ്‌ വെച്ച യഥാര്‍ത്ഥ ഫീകരനെ ' പിടിച്ചാല്‍ ഒന്ന് രണ്ടു ദിവസത്തിനുള്ളില്‍ തന്നെ ജാമ്യം കിട്ടി മൂപ്പര്‍ സാധാരണ ജീവിതം നയിക്കലായി.. അന്വോഷണങ്ങളോ കൂടുതല്‍ ചോദ്യം ചെയ്യാലോ ഇല്ല..അതായത്, വീണ്ടും വീണ്ടും അങ്ങുമിങ്ങും പുതിയവ പൊട്ടിക്കാനും വെന്ത മാംസത്തിന്‍റെ ഗന്ധമാസ്വദിച്ച് അര്‍മാദിക്കാനുമുള്ള അവസരം..! ഒരു നൂറു വട്ടം ബോംബിട്ടു രസിച്ചാലും ആരുംതന്നെ അവരെ സംശയിക്കാന്‍ പോകുന്നില്ല. കാരണം, അത്ര മാത്രം മഹത്തായ പേരും പോരിഷയുമാണ് അവരുടേത്!! ജന്മഫലത്താല്‍ എന്ത് ബെടക്കത്തരം ചെയ്താലും അതെല്ലാം ഇന്ത്യന്‍ നീതിന്യായ വ്യവസ്ഥ പൊറുത്തു മാപ്പാക്കുന്നതാകുന്നു...!
ഈ വാസ്തവമായ സംഗതി താങ്കളും അറിഞ്ഞിരിക്കുമല്ലോ ല്ലെ ?അതായത് ലോകത്തിന്‍റെ ഏതൊരു മുക്കിലും മൂലയിലും ബോംബു പൊട്ടിയാലും അതെല്ലാം ലവന്മാരായിരിക്കും ചെയ്തത് എന്ന മഹാ സത്യം... ഹൈ, നേരത്തെ പറഞ്ഞ ആ താടിക്കാര്‍, ഉറപ്പ്‌ ! അതെ, ഇത് തന്നെ ആ പറഞ്ഞ വാസ്തവം... അവര്‍ക്ക് ഇനി കാലിനു വയ്യെങ്കിലും ശരീരം തന്നെ മൊത്തം തളര്‍ന്നിട്ടുണ്ടെങ്കിലും സംശയം വേണ്ട, അവര്‍ തന്നെ.. അവര്‍ക്കെ അതിനു കഴിയൂ..
ഈ വാചകമടി നിത്യം കേട്ട് കേട്ട് സഹികെട്ട് ആരെങ്കിലും സത്യം തേടി ഇതിനെ ചോദ്യം ചെയ്യാന്‍ വന്നാല്‍ അപ്പോഴുമുണ്ട്‌ പ്രശ്നങ്ങള്‍.. തൊപ്പിവെച്ചവനാണെങ്കില്‍ പാകിസ്ഥാനെ സഹായിക്കുന്നവര്‍,സ്വന്തം രാജ്യത്തെ ഒറ്റി കൊടുക്കുന്നവര്‍, തീവ്രവാദികളെ പിന്താങ്ങുന്നവര്‍.. അങ്ങനെ അങ്ങനെ..! ഇനി ഇത് മറ്റു വല്ല 'ജന്മ ഫലം തലയില്‍ എഴുതപെ ട്ടവരുമാണ് ചോദിക്കുന്നത് എങ്കില്‍, ഇന്ത്യയോട് കൂറില്ലാത്തവര്‍ എന്ന ഭീഷണി... അത് ഫലിക്കുന്നില്ലെങ്കില്‍ ഉടന്‍ തന്നെ പിടിച്ച് കൂട്ടിലിട്ട ആ ഫീകര തീവ്രവാദിയെ ക്ഷണ നേരം കൊണ്ട് കാല പുരിക്കയക്കലായി..
ബോംബുകള്‍ നിരന്തരം പലയിടങ്ങളിലും പൊട്ടുന്നുണ്ട്, തലക്ഷണം അല്ലെങ്കില്‍ ഒരാഴ്ച്ച രണ്ടാഴ്ച്ച മുമ്പേ തന്നെ 'പ്രതികളെ ആട്ടിതെളിക്കുന്നുമുണ്ട് .. ചില നേരത്ത് പത്രങ്ങള്‍ക്കും വലിയ ഉത്സാഹമാണ് പ്രതികളെ കുറിച്ച് അതീവ രഹസ്യമായ വാര്‍ത്ത നല്‍കാന്‍. അങ്ങനെ നീണ്ട നീണ്ട ലേഖനങ്ങള്‍ ഈ വക കാര്യത്തില്‍ എഴുതി കൊണ്ടിരിക്കെ 'നീതി' പൂര്‍ണ്ണമായും വറ്റിപോകാത്ത നീതിന്യായ വ്യവസ്ഥ ഇടക്കെവിടെ നിന്നെങ്കിലും 'യഥാര്‍ത്ഥ ഫീകരരെ 'വലക്കകത്താക്കി തൂക്കിയെടുത്താല്‍ ഉത്സാഹ തിമിര്‍പ്പില്‍ ഓടി തുള്ളിയ മുത്തശ്ശി പത്രങ്ങള്‍ക്കും അവയെ പിന്തുടരുന്ന കുഞ്ഞു തമ്പുരാക്കന്‍മാര്‍ക്കും പിന്നെ അള്‍ഷിമെയെസ് രോഗമായി...പക്ഷെ ഈ അവസ്ഥയിലും അവര്‍ എല്ലാം മറക്കില്ല, ഇത് മാത്രം! അതെ ഈ ഒന്ന് മാത്രം!!!
ഇങ്ങനെ എഴുതിയാല്‍ തീരാത്തത്ര നീണ്ടു പോകുന്നു ഇന്ത്യയുടെ വർത്തമാന മഹത്വങ്ങളും പോരിഷകളും..
