(എന്ത്? എങ്ങനെ? എന്ത് കൊണ്ട്? എന്നീ ചോദ്യങ്ങള് ഈ കഥയില് കര്ശനമായിവിലക്കിയിരിക്കുന്നു.. എന്ത് കൊണ്ടെന്നാല് കഥയില് ചോദ്യമില്ല എന്നത് പ്രസ്താവ്യമാണല്ലോ!)
ഇനി വായിച്ചു തുടങ്ങുക:
ശശിക്ക് കണക്കറിയില്ലെന്നത് കണക്ക് മാഷിന് മാത്രമല്ല, ക്ലാസ്സിലെ ഒരു വിധം എല്ലാവര്ക്കുമറിയാം. രണ്ടും ഒരു കണക്കാ എന്ന് ചിലര് തമാശിക്കും!
പക്ഷെ ആരൊക്കെ എന്തൊക്കെ പറഞ്ഞാലും, ഇക്കഴിഞ്ഞ അര കൊല്ലപരീക്ഷയുടെ റിസള്ട്ട് വന്നപ്പോള് കണക്ക് വിഷയത്തില് ബാക്കിയുള്ള മുപ്പത്തേഴു പേരെയും കടത്തിവെട്ടി ശശിയുണ്ട് രണ്ടാം സ്ഥാനത്ത്!! ഇത് ക്ലാസ്സിലെ ഓരോരുത്തരേയും ഞെട്ടിച്ചു. ചിലര്ക്ക് ഇത് കണ്ട് അസൂയ തലയില് കയറി..വേറെ ചിലര്ക്ക് ഒടുങ്ങാത്ത സംശയം! മുന്കഴിഞ്ഞ പരീക്ഷയില് പതിനെട്ടാം സ്ഥാനത്തുണ്ടായിരുന്നു ഒരുത്തനിതാ അതി വേഗം ബഹുദൂരം എന്ന ചൊല്ല് അന്വര്ത്ഥമാക്കി രണ്ടാമനായിരിക്കുന്നു അതും കണക്കിന്റെ അന്തവും കുന്തവുമറിയാത്തൊരു മന്തന്! .ഒന്നാം സ്ഥാനത്തുള്ള സൗമ്യയും തന്റെ ഞെട്ടില് മറച്ചു വെച്ചില്ല, കൊല്ല പരീക്ഷയില് ഇവന് തന്നെ മറിച്ചിടുമോ എന്നതാണ് ഭയം!
കുട്ടികള്ക്കിടയില് ഇതൊരു ചര്ച്ചാ വിഷയമായി ..പലരും രഹസ്യമായും പരസ്യമായും പേര്ത്തും പേര്ത്തും ചോദിച്ചു: 'എന്താടാ, ഇതിന്റെ പിന്നിലെ ഗുട്ടന്സ്!'
'ഹിതൊക്കെ എന്ത്!' എന്ന മട്ടില് ഒരു ചിരി പാസാക്കി ശശി ഒഴിഞ്ഞു മാറും. മറ്റു ചിലര്ക്ക് മനസ്സ് കണ്ടറിഞ്ഞ് ഇങ്ങനെയൊരു തത്വം പകര്ന്നേകും "പഠിക്കേണ്ടുന്ന വിധം പഠിച്ചാല് ഏതോരുത്തനും ഉന്നത സ്ഥാനത്തെത്താം, പക്ഷെ കണ്ണ് കടി കൊണ്ട് നമുക്കൊന്നും നേടാനാവത്തില്ല!"
'എല്ലാ തെണ്ടികള്ക്കും എനിക്ക് മറ്റെല്ലാ വിഷയങ്ങള്ക്കും മാര്ക്ക് കുറച്ചു കിട്ടുന്നതിനെ കുറിച്ച് വേവലാതികളൊന്നും തന്നെയില്ല , ഇതിനല്പ്പം കൂടിയപ്പോള് എന്തൊരസൂയ! എന്തൊരു കണ്ണ് കടി!' എന്നും മനസ്സില് പ്രാകി അവന് തന്റെ വഴിക്ക് പോകും.
കഴിഞ്ഞ പ്രാവിശ്യം രണ്ടാം സ്ഥാനത്തുണ്ടായിരുന്ന അലക്സ് തത്രപാടില് ഓടി കിതച്ചെത്തി ശശിയുടെ മുമ്പില് നിന്നു. ശ്വാസം വലിച്ചെടുക്കുന്നതിനിടെ അവന് വിറച്ചു കൊണ്ട് ചോദിച്ചു: 'ശശി എവിടെടാ തന്റെ മാര്ക്ക് ഷീറ്റ്?'
അവന്റെ കണ്ണില് ഇത്തരം അന്ധാളിപ്പ് മുമ്പും കണ്ടിട്ടുണ്ട്. ഇത്രയധികം വിഹ്വലത ഇതാദ്യമായിട്ടാണ്.! ലോകത്തില് വലിയ മാറ്റമൊന്നും സംഭവിച്ചിട്ടില്ലാത്ത വിധം അതവന് നല്കി ശശി പുറത്തെ നെല്ലിമരത്തിലേക്ക് നോക്കി സ്വയം മന്ത്രിച്ചു ' നെല്ലിക്കയൊക്കെ മൂത്തിട്ടുണ്ട്, ഉടനെ തന്നെ അവയൊക്കെ പറിച്ച് വീട്ടിലെത്തിക്കണം!'
അലക്സ് അത് തിരിച്ചും മറിച്ചും നോക്കി..മതിവരാതെ വീണ്ടും വീണ്ടും അരിച്ചു പെറുക്കി. പെട്ടെന്ന് എന്തോ ഒരു മഹാത്ഭുതം കണ്ട് പിടിച്ച പോലെ അടുത്തുണ്ടായിരുന്ന ജബ്ബാറിനെ തോണ്ടി പറഞ്ഞു: 'നോക്കെടാ, ഇവന് എല്ലാ വിഷയത്തിലും ശരാശരി മാര്ക്കേയുള്ളൂ..നൂറില് എല്ലാം നാല്പ്പതിനു താഴെ! കണക്കിലാണെങ്കില് എഴുപതിന് മുകളിലും! ഇതിലെന്തോ കളിയുണ്ട്!!'
ഇത്തരം കണക്കിന്റെ കളിയിലൊന്നും വലിയ താല്പര്യമില്ലാതിരുന്ന ജബ്ബാര് തന്റെ ചിന്ത കെടുത്തിയതിന് അലക്സിന്റെ മുഖത്തേക്ക് രൂക്ഷമായൊന്നു നോക്കി ക്ലാസ്സ് കഴിഞ്ഞയുടനെ വീട്ടിലെത്തി ഫുട്ബോള് കളിക്കുന്ന കാര്യവും ആലോചിച്ച് മാറിനില്ക്കുകയായിരുന്നു ജബ്ബാര്..
ഇത്തരം കണക്കിന്റെ കളിയിലൊന്നും വലിയ താല്പര്യമില്ലാതിരുന്ന ജബ്ബാര് തന്റെ ചിന്ത കെടുത്തിയതിന് അലക്സിന്റെ മുഖത്തേക്ക് രൂക്ഷമായൊന്നു നോക്കി ക്ലാസ്സ് കഴിഞ്ഞയുടനെ വീട്ടിലെത്തി ഫുട്ബോള് കളിക്കുന്ന കാര്യവും ആലോചിച്ച് മാറിനില്ക്കുകയായിരുന്നു ജബ്ബാര്..
'അതിന് ഞാനെന്ത് വേണം, പത്രക്കാരെ വിളിച്ച് വാര്ത്ത കൊടുക്കണോ! രാവിലെ തന്നെയിറങ്ങും ഓനിത്രകിട്ടി മറ്റോനിത്ര കിട്ടി, എനിക്ക് മാത്രം ഇത്രയേയുള്ളൂ എന്നും പറഞ്ഞ്!മനുഷ്യനെ മെനക്കെടുത്താന്! വേറെ പണിയൊന്നുമില്ലെടോ തനിക്ക്!!'
'നീയൊന്നു പോടാ' എന്ന് മനസ്സില് പ്രാകി അലക്സ് മീനാക്ഷിയുടെ അടുത്തേക്ക് ചെന്നു ഇത് തന്നെ കാണിച്ചു. 'ആ , ആര്ക്കറിയാം' എന്നും പറഞ്ഞ്അവളും മുഖം തിരിച്ച് കൂട്ടുകാരികള്ക്കൊപ്പം കളിക്കാനോടി. എല്ലാം കണ്ട് രസിച്ച് ശശി ഒരു തൂണില് ചാരിനിന്നു.
അലക്സിന് സ്വയം അപമാനിക്കപെട്ടവനായി തോന്നി. ഒന്നും സംഭവിക്കാത്ത പോലെ മാര്ക്ക് ഷീറ്റ് തിരിച്ചു നല്കി അണ്ടി പോയ അണ്ണാനെ പോലെ പരിഭവിച്ചു നിന്നു.
ആ കണ്ണുകളിലെ ഇതിന് പിന്നില് എന്ത് എന്നറിയാനുള്ള ജ്ഞാസയും ആര്ത്തിയും അസൂയയുടെ പൊട്ടുകളും കണ്ട് ശശി അവന്റെതോളില് കയ്യിട്ട് പറഞ്ഞു:' വാ, നമുക്കൊരു ചായ കുടിക്കാം'
ഇത് കേള്ക്കേണ്ട താമസം അലക്സ് ചാടി പറഞ്ഞു: 'സംഗതി കൊള്ളാം. പക്ഷെ കാശ് ഞാനെടുക്കൂല!'
അവന്റെ കയ്യില് നിന്നും ഒരഞ്ചുപൈസ ഉപകാരം മറ്റുള്ളവര്ക്ക് കിട്ടാറില്ലെന്നും ആരും അത് ആഗ്രഹിക്കാറില്ലെന്നും അറിയാത്തവനല്ല ശശി. ഒന്നര്ത്ഥം വെച്ച് ചിരിച്ച് അവന് പറഞ്ഞു: 'അതൊന്നും വേണ്ടെടോ, ഇതെന്റെ വക, എനിക്ക് കണക്കിന് ഫസ്റ്റ് ക്ലാസ്സ് കിട്ടിയ വക!'
പോകുന്ന വഴിക്ക് അലക്സ് പറഞ്ഞു: 'എന്റെ വീട്ടില് കറുത്തലുവയുണ്ട്! ഇന്നലെ അപ്പന് ജോലി കഴിഞ്ഞു വന്നപ്പോള് കൊണ്ട് വന്നതാണ്!'
'അതിന്!' ശശിക്ക്ഒന്നും മനസ്സിലായില്ല..അവന്റെ വീട്ടില് നാളികേരമുണ്ട്, കപ്പയുണ്ട്, മധുരപലഹാരങ്ങലുണ്ട് ..പക്ഷെ ഇതൊക്കെ നാലാളോട് പറയേണ്ട വല്ല കാര്യവുമുണ്ടോ!
'അതില് നിന്നും ഒരു കഷണം ഞാന് നിനക്കും കൊണ്ട് വരും ശശീ'
'ഇത് തരക്കടില്ലാ' എന്ന് ശശിക്ക് തോന്നി.. ഈ പിശുക്കന്റെ മനസ്സില് എപ്പോഴാണാവോ ഉദാരതയുടെ കുളിര്കാറ്റ് വീശിയത്! ' ചിലപ്പോള് ഇനി തൊട്ടു നെക്കാന് മാത്രമായിരിക്കുമോ കൊണ്ട് വരുന്നത്! ദൈവത്തിനറിയാം!'
ചുറ്റുപാടും നോക്കി ആരുമില്ലെന്ന് ഉറപ്പുവരുത്തി അലക്സ് ശശിയുടെ അടുത്തേക് നീങ്ങി തന്റെ വായ അവന്റെ ചെവിയിലെക്ക് തിരുകി കുശു കുശുത്തു..'ശശി ഭായ്, താനിത് ആരോടും പറയണ്ട! ഇത് ഞാന് നിനക്ക് മാത്രമായാണ് തരുന്നത് !' ഒന്ന് നിര്ത്തിയ ശേഷം അവന് തുടര്ന്നു 'പക്ഷെ, ഒരു നിബന്ധനണ്ട്...'നിനക്ക് കണക്കിന് എങ്ങനെ ഇത്രത്തോളം മാര്ക്ക് കിട്ടി എന്നെന്നോട് സ്വകാര്യമായി പറഞ്ഞു തരണം!'
അപ്പൊ ഇതാണ് ഈ രഹസ്യത്തിന്റെ ആകെത്തുക! ലാഭം നോക്കിയല്ലാതെ ആരും കച്ചവടത്തിന് ഇറങ്ങില്ലല്ലോ!' ആ തരത്തിലാണ് പഹയന്റെയും കളി'
ചിരി ഉള്ളില് തന്നെ അടക്കി നിര്ത്തി അവനോടു കൂടുതല് ചേര്ന്ന് നിന്ന് ശശി പറഞ്ഞു:
'അതൊന്നും ഒരു വിഷയമല്ലടോ, തനിക്ക് നല്ല മാര്ക്ക് കിട്ടുന്നതില് എനിക്കും അഭിമാനമേയുള്ളൂ! ഇപ്പോള് നില്ക്കുന്ന നാലാം സ്ഥാനത്ത് നിന്ന് ഈ വിഷയത്തില് നിന്നെ ഞാന് ഒന്നാമാനാക്കും! ഏഴാം ക്ലാസ്സും കഴിഞ്ഞു ഈ സ്കൂളില് നിന്നും നാം തമ്മില് കൈകൊടുത്ത് പിരിയുന്നത് എന്നേക്കുമാകരുതല്ലോ!'
അലക്സ് അവനെ കെട്ടി പിടിച്ചു..'നീയാണെടാ എന്റെ ആത്മാര്ത്ഥ സുഹൃത്ത്! നിനക്കെ എന്നോട് സ്നേഹമുള്ളൂ' എന്ന് വികാരാധീനനായിപറഞ്ഞു..പക്ഷെ മനസ്സില് പറഞ്ഞത് ഇങ്ങനെ' വേഗം പറഞ്ഞു താടാ തെണ്ടീ...എന്നിട്ട് വേണം വേറെ പണി നോക്കാന്!'
ചായക്ക് ഓര്ഡര് കൊടുത്ത് പീടികയുടെ ഒരൊഴിഞ്ഞ കോണില് പരസ്പ്പരം അഭിമുഖമായിരുന്നു . അവിടെ വെച്ച് ശശി തന്റെ ആ കൊച്ചു രഹസ്യം അലക്സിന് കൈമാറി.
'അലക്സെ , മറ്റാരും അറിയണ്ടാ..സ്വകാര്യമാ! 'കേള്ക്കാനുള്ള ആവേശത്തില് അലക്സ് ഒന്ന് കൂടി ചേര്ന്നിരുന്നപ്പോള് ശശിക്ക് ഇവന് തന്റെ ചായ കോപ്പ മറിച്ചിടുമോ എന്ന് പേടി തോന്നി.
'പിന്നെ, നമ്മുടെ കണക്ക് മാഷ് അല്പ്പം ലൂസാ! അയാള്ക്കൊരു ഫൈസ്ബുക്ക് അക്കൗണ്ടുണ്ട്..അത് ഞാന് ഉണ്ടാക്കി കൊടുത്തതാ..! ക്ലാസ്സ് കഴിഞ്ഞാല് മൂപ്പര്ക്ക് ഇതിനു മുമ്പില് ഇരിക്കലല്ലാതെ വേറെ പണിയൊന്നുമില്ല..ഹൊ, ഒന്നും പറയണ്ട, എന്തൊക്കെ ചളികളാണ് മൂപ്പര് എഴുതി വിടുന്നത്! എത്ര എഴുതിയിട്ടെന്താ, പാവത്തിന് സ്വന്തം ഭാര്യയുടെ ലൈ ്ക് പോലും കിട്ടാറില്ലത്രേ! പക്ഷെ, ഞാന് എല്ലാം ലൈക്കും! എപ്പോയും അഭിനന്ദനമറീക്കും.. ഇതൊക്കെ തന്നെയാണടാ എനിക്ക് മാര്ക്ക് കൂടാനുള്ള കാരണം, നാല് നാല്ല വാക്ക് മുഖത്ത് നോക്കി പറഞ്ഞാല് നിന്നെ പോലെയുള്ള പൊട്ടന്മാര്ക്കും ഇങ്ങനെയൊക്കെ കിട്ടും"
ആ 'പൊട്ടന്' വിളി അലക്സിന് അത്ര ഇഷ്ട്ടമായില്ല. ദേഷ്യം വന്ന അവന് ഈ രഹസ്യം എല്ലാവരോടും വിളിച്ചു പറയുമെന്നുറപ്പിച്ചു. പിന്നെയോര്ത്തപ്പോള് അത് വേണ്ടെന്നു തോന്നി . എല്ലാ മോങ്ങന്മാരും ഈ വഴി തന്നെ നോക്കിയാല് കുടുങ്ങിയില്ലേ!
അലക്സിന്റെ കണ്ണ് തെളിഞ്ഞു..മുമ്പെന്നോ ഒരു ഫൈസ്ബുക്ക് അക്കൗണ്ട് തുടങ്ങിയിട്ടുണ്ട് എന്നല്ലാതെ ഉപയോഗിച്ച് പരിചയമില്ല.. ഇപ്പോള് ഏതു വിധേനയും ഉപയോഗിച്ചേ പറ്റൂ എന്ന അവസ്ഥയിലെത്തിയിരിക്കുന്നു.. ശശിയുടെ മുഖത്ത് തന്നെ കണ്ണ് നട്ടു അവന് ഒന്ന് കൂടി ഊന്നി ചോദിച്ചു: 'സത്യമാണോടാ ശശി ഇതൊക്കെ!'
'എന്നെ നിനക്ക് വിശ്വാസമില്ല അല്ലേ! ഇതാണ് നിന്നോട് കാര്യങ്ങളൊക്കെ തുറന്നു പറയാന് മടി! '
'അത് കൊണ്ടാല്ലെടാ, ഫേസ്ബുക്കിനെ കുറിച്ചൊന്നും എനിക്ക് വല്ലാതെ അറിയില്ല.. നീ ഒഴിവു കിട്ടുമ്പോള് കുറച്ചു പഠിപ്പിച്ചു തരണം ട്ടോ, നിന്നെ എന്റെ കൂട്ടുകാരനായി തന്ന ഈശ്വവിനു എപ്പോഴും എപ്പോഴും സ്തുതിയായിരിക്കട്ടെ!'
ചായകുടിച്ചു തീര്ത്ത് സംഭാഷണം സന്തോഷകരമായി അവസാനിപ്പിച്ച് അവര് പിരിഞ്ഞു.
***********************************************************
കണക്ക് മാഷ് ചന്ദ്രന്പിള്ള അന്ന് തന്റെ ഫേസ്ബുക്ക് തുറന്നപ്പോള് അപ്രതീക്ഷിതമായി ഒരു ഫ്രണ്ട് റിക്വസ്റ്റ് കണ്ടു. നോക്കുമ്പോള് തന്റെ വിദ്യാര്ഥി അലക്സാണ്. ഒരു നിര്വൃതി മുഖത്ത് വിരിഞ്ഞു. ഫ്രണ്ട് റിക്വസ്റ്റ് പലര്ക്കുമായി എമ്പാടും അയച്ചപ്പോള് ഫേസ്ബുക്ക് തമ്പുരാന് പതിനാലു ദിവസത്തെ താല്ക്കാലിക ബ്ലോക്ക് കൊടുത്തിരിക്കുകയാണ്. അയച്ചവരോന്നും സീകരിച്ചിട്ടുമില്ല,, ഒരാളും ഇങ്ങോട്ട് റിക്വസ്റ്റ് അയക്കുന്നുമില്ല എന്ന വിഷമ സന്ധിയില് നില്ക്കുമ്പോയാണ് ഇങ്ങനെ ഒരാള് തന്നെ തേടി വന്നിരിക്കുന്നത് , അതും സ്വന്തം ശിഷ്യന്! മാഷ് സന്തോഷം മറച്ചു വെച്ചില്ല.
നോട്ടിഫിക്കേഷിനിലെ ചുവന്ന പൊട്ടുകള് അല്പ്പം അധികരിച്ചതു കൂടി കണ്ടപ്പോള് സന്തോഷം ഇരട്ടിച്ചു. തന്റെ എല്ലാ പോസ്റ്റിനും അവന് ലൈക്കടിച്ചിട്ടുണ്ട് കുറെ കമ്മന്റ്സുമുണ്ട്. എല്ലാം അങ്ങനെ ഇരുന്ന ഇരുപ്പില് നോക്കി കൊണ്ടിരുന്നപ്പോള് പെട്ടന്ന് ഒരു കമ്മന്ടിന്മേല് കണ്ണുകളുടുക്കി . മനുഷ്യനെ പോലെ തോന്നിക്കുന്ന ഒരു ജീവിയുടെ വൃക്തമായ ഫോട്ടോ. പരിചയത്തിലുള്ള ഒരാള് ടാഗ് ചെയ്ത് തന്റെ വാളില് വരുത്തിയതാണ്. ആകെ കിട്ടുന്ന സമ്പാദ്യങ്ങളെല്ലേ എന്നും കരുതി ഇഷ്ട്ടമില്ലെങ്കിലും ഒന്നും ഡിലീറ്റ് ചെയ്യാറില്ല. അതിനു താഴെ അലക്സ് എഴുതി വെച്ചിരിക്കുന്നു : 'മാഷേ, ഈ ഫോട്ടോ എനിക്ക് വളരെ ഇഷ്ട്ടമായി.. താങ്കളുടെ ചെറുപ്പകാലത്തിന്റെ എല്ലാ തുടിപ്പും ഇതില് ഉള്ചേര്ന്നിരിക്കുന്നു!'
അവനത് സത്യസന്ധമായിട്ടെഴുതിയതാണെങ്കിലും മാഷിന് അത് അത്ര ബോധിച്ചില്ല. ഉണ്ടായിരുന്ന എല്ലാ സന്തോഷവും കെട്ടടങ്ങി മൂക്കിന് തുമ്പത്ത് ശുണ്ടി അരിച്ചു കയറി. 'അവന് തന്നെ മനപ്പൂര്വ്വം കൊച്ചാക്കിയിരിക്കുന്നു... ഒന്നുമില്ലെങ്കിലും അവന്റെ മാഷല്ലേ ഞാന്! ആ നാറിക്ക് ഇതിനെല്ലാം ഞാന് നന്നായി വെച്ചിട്ടുണ്ട്' എന്നും പറഞ്ഞ് അതു ഡിലീറ്റ് ചെയ്ത് കളഞ്ഞു. 'ഇത് എത്ര മനുഷ്യര് കണ്ടിട്ടുണ്ടാകുമേന്നതായിരുന്നു അപ്പോള് ചിന്ത!'
പിറ്റേന്ന് കണക്ക് ക്ലാസ്സില് മുമ്പിലെ ബെഞ്ചില് ഇളിച്ചുകാട്ടി ഉല്സാഹത്തോടെ ഇരുന്നിരുന്ന അലക്സിനെ ചന്ദ്രന് മാഷ് വളരെ കാര്ക്കശ്യത്തോടെയാണ് നോക്കിയത്. അന്ന് എന്നുമില്ലാത്ത വിധം കണക്കിലെ കടിച്ചാല് പൊട്ടാത്ത പല ചോദ്യങ്ങളുമായി വെള്ളം കുടിപ്പിച്ചെന്നു മാത്രമല്ല, നല്ല ചൂരല് കഷായവും കൊടുത്തു.
ക്ലാസ്സ് കഴിഞ്ഞപ്പോള് അലക്സ് ദേഷ്യത്തോടെ ശശിയുടെ അടുത്തേക്ക് ഓടി ചെന്നു തോളത്തടിച്ചു കയര്ത്തു. 'നീ എന്നെ ചതിച്ചു അല്ലെടാ.. നന്നായിരിക്കുന്നു! ഞാന് തന്ന ഹലുവ നീ വാരിവിഴുങ്ങിയപ്പോള് ഇത്രയുമോര്ത്തില്ല!! നീയൊക്കെ ഒരു കൂട്ട് കാരനാണെടോ!'
അതിനു ശശി പെട്ടന്ന് മറുപടിയൊന്നും പറഞ്ഞില്ല.അവന് ശാന്തനായപ്പോള് ഇങ്ങനെ പറഞ്ഞു: 'തെറ്റ് എന്റെ ഭാഗത്തല്ല.. അത് നിന്റെ ഭാഗത്ത് തന്നെയാണ്. ഇന്നലെ ഞാന് നോക്കിയപ്പോള് ഒരു മനുഷ്യകുരങ്ങന്റെ ഫോട്ടോഷോപ്പ് ചെയ്ത ഫോട്ടത്തിന് കീഴെ താന് എന്താണ് എഴുതി വെച്ചത്! 'മാഷിന്റെ ചെറുപ്പകാലത്തെ ഫോട്ടോ നന്നായിരിക്കുന്നു എന്ന്!!. അത് തന്നെയാണ് പ്രശ്നം. ലൈക്കടിക്കുമ്പോഴും കമ്മന്ടുമ്പോഴും ശ്രദ്ധിക്കേണ്ടത് നിന്റെ കടമയാണ്.. അല്ലാതെ എന്റെതല്ല! പ്രതേകിച്ചും അയാള്ക്കെതിരെയാകുമ്പോള്..'
ഇതും പറഞ്ഞ് ശശി തന്റെ പാട്ടിനു പോയി. തനിക്കെന്തോ പിശക് പറ്റിയിട്ടുണ്ടെന്ന് അലക്സിനും തോന്നി. അതെന്താണെന്നാലോചിച്ച് അവനും തന്റെ വഴിക്ക് പിരിഞ്ഞു .
****************************************************************
അക്കൊല്ലത്തെ കൊല്ലപരീക്ഷക്ക് മുന്നൊരുക്കം തുടങ്ങി. വായനക്കും ചൂട് പിടിച്ചു. പലരും രാപ്പകല് ഇരുന്ന് പുസ്തകത്തിന്മേല് മല്ലികെട്ടി. അലക്സിനെ പുറത്തേക്ക് തീര്ത്തും കാണാതായപ്പോള് ശശി കളിയാക്കി അവനൊരു മെയില് വിട്ടു 'വലിയ ബുജി, പഠിപ്പിസ്റ്റ്!'
എല്ലാ വിധ ആവലാതികള്ക്കും വേവലാതികള്ക്കും അറുതി വരുത്തി കൊണ്ട് ഏഴാം തരം പരീക്ഷയും അവസാനിച്ചു. ആ സ്കൂളിലെ നാല അതിരുകള്ക്കുള്ളില് ഏതൊക്കെ കുട്ടികള് സ്വതന്ത്രരാകും!
ചിലര് റിസറ്റിനായി ആറ്റുനോറ്റു കാത്തിരുന്നു. പഠിക്കാന് താല്പര്യമില്ലാതിരുന്ന ചിലര് ഈ വക കാര്യങ്ങളൊക്കെ മനസ്സില് നിന്നും മാറ്റി വെച്ച് മറ്റു ഏര്പ്പാടുകലിലേക്ക് തിരിഞ്ഞു.
റിസള്ട്ട് വന്നു. പരീക്ഷ എഴുതിയ കുട്ടികള്ക്ക് മാത്രമല്ല, വീട്ടുകാര്ക്കും നാട്ടുകാര്ക്കുമൊക്കെ വല്ലാത്ത ആധിയും ഉത്കണ്ടയുമുണ്ട്. തങ്ങളുടെ കുട്ടികളുടെ കാര്യമെന്തായി, തങ്ങളുടെ നാട്ടിലെ സ്കൂളിന്റെ നിലവാരം എന്താണ് എന്നൊക്കെ അവര്ക്കും അറിയണം.
ശശിയുടെ സ്കൂളില് ഒട്ടു മിക്ക പേരുംജയിച്ചിട്ടുണ്ട്, ശശിയും! കടന്നു കയറി എന്ന് പറഞ്ഞാല് മതിയല്ലോ. അലക്സ് അത്യാവിശ്യം നല്ല മാര്ക്കോട് കൂടി തന്നെയാണ് പാസ്സായിട്ടുള്ളത്. പക്ഷെ കണക്കിന് വളരെ കുറഞ്ഞു. ശശിക്ക് നേരെ തിരിച്ചും.
ചന്ദ്രന് മാഷ് റിസള്ട്ട് വന്നത് മുതല് ഒരു തരം വെപ്രാളത്തിലാണ്. റിസള്ട്ട് ഫൈസ്ബുക്കില് അപ്ലോഡ് ചെയ്യണം. ശശി ജയിച്ചത് തന്റെ ഒറ്റക്കാരണത്താലാണ് എന്നറിഞ്ഞപ്പോള് മനസ്സില് ഒരാളെ രക്ഷിച്ച സന്തോഷം! അടുക്കളയില് നിന്നും ഭര്ത്താവിന്റെ എന്നുമില്ലാത്ത വിധമുള്ള ഈ സന്തോഷം കണ്ട് ഭാര്യ അടുത്തേക്ക് വന്നു കസേരയില് ചാരിനിന്നു. 'എടീ, ആ കണക്കറിയാത്ത ശശി എന്നെ കൊണ്ട് മാത്രമാണെടീ ജയിച്ചു കയറിയത്. എല്ലാ വിഷയത്തിലും മാര്ക്കില്ലാതെ വലഞ്ഞ അവനു കണക്കിലെ ആ മുപ്പത്തഞ്ചു മാര്ക്ക് കൊണ്ട് മാത്രമാണെടീ അഡ്ജസ്റ്റ് ചെയ്തത്. ഭാര്യക്കും ഇക്കാര്യത്തില് സന്തോഷം തോന്നി. പല കുട്ടികളെയും കാരണമില്ലാതെ തോല്പ്പിച്ചിട്ടുണ്ടെങ്കിലും ഒരാളെങ്കിലും രക്ഷപെട്ടല്ലോ.
മാഷ് ഫൈസ്ബുക്കിന്റെ ഉള്ളറയിലേക്ക് പ്രവേശിച്ചു . ശശി ഈ വിജയത്തെ കുറിച്ചും തന്നെ കുറിച്ചുമോക്കെ എന്താണ് എഴുതിയിട്ടുണ്ടാവുക എന്നറിയാന് ആകാംഷയുണ്ടായി. ഫൈസ്ബുക്ക് തുറന്ന് നോട്ടിഫിക്കേഷനില്നിറഞ്ഞു കിടക്കുന്ന ചുവന്ന പോട്ടുകളില് നോക്കി..
'ഇല്ല ..ശശി തന്നെ കുറിച്ച് ഒന്നും എഴുതിയിട്ടില്ല!'അത് അയാള്ക്ക് വല്ലാത്ത നീറ്റലുണ്ടാക്കി. എന്തെ അവന് എന്നെ കുറിച്ചൊന്നും എഴുതാഞ്ഞെ! എന്നും അതിനു മുമ്പില് അടയിരിക്കുന്നവനാണല്ലോ, എന്നിട്ടും!
അവന്റെ പേര് സേര്ച്ച് ബോക്സില് അടിച്ചു നോക്കിയ മാഷ് ശരിക്കും നെട്ടിപ്പോയി. അവന്റെ പേര് അതില് കാണാനില്ല! മുമ്പൊക്കെ 'ശ' എന്നഴുതിയാല് വരുമായിരുന്നു. ആകെ നിരാശനായി ഇരിക്കുമ്പോഴാണ് ഭാര്യ പിറകില് എല്ലാം നോക്കി നില്ക്കുന്നുണ്ടെന്നറിഞ്ഞത്.
'എന്താടി ഇവിടെയിങ്ങനെ നോക്കി നില്ക്കുന്നത്..അടുക്കളയില് ഒരു പണിയുമില്ലേ പോയി ഒരു ചായ ഇട്ടേച്ചു വാ..!' എന്നിങ്ങനെ ഭാര്യയുടെ മുഖത്തു നോക്കി ആക്രോശിച്ചു. അന്നത്തെ എല്ലാമൂടും പോയി ഫൈസ്ബുക്ക് ക്ലോസ് ചെയ്യാനിരിക്കെ ഒരു മെസ്സേജ് വന്നു. അലക്സാണ്!
തുറന്നു നോക്കിയപ്പോള് അതില് ഇങ്ങനെ എഴുതി വെച്ചിരിക്കുന്നു.
'മാഷേ അഭിനന്ദനങ്ങള്.. ഞാന് പരീക്ഷ ഒരു വിധം കടന്നു കയറിയിരിക്കുന്നു. എല്ലാം നിങ്ങളുടെ ഒരു സഹായം കൊണ്ട് മാത്രം. അതിനു മനസ്സ് നിറഞ്ഞ നന്ദിയുണ്ട്. ഇനി മറ്റൊരു സ്കൂളിലേക്ക് ചേക്കേറുകയാണ്. അതിനാല്, ഇനിയും നിങ്ങളെഴുതുന്ന ചവറുകള് വായിക്കാനും അതിനൊക്കെ ലൈക്കാനും ദയവായി എന്നെ പ്രതീക്ഷിക്കരുത്, താങ്കളെ ഞാന് താല്ക്കാലികമായി ബ്ലോക്ക് ചെയ്തിരിക്കുന്നു. ഇനി എനിക്ക് നേരിട്ട് താങ്കള്ക്ക് മെസ്സേജ് അയക്കാന് കയിയില്ല എന്നതിനാല് ഇത് നമ്മടെ അവസാന സംഭാഷണമായി കണക്കിലെടുത്ത് എന്നോട് ക്ഷമിക്കുക - എന്ന് സ്വന്തം ശശി
(ഇത് എന്റെയല്ല മാഷേ ശശിയുടെ വരികളാണ്' എന്ന് അലക്സും ഒരു വരി അടിയില് എഴുതി ചേര്ത്തിട്ടുണ്ട്. എല്ലാം കണ്ടു കലികയറി കമ്പ്യൂട്ടര് പെട്ടെന്ന് ഓഫാക്കി 'പന്നന്മാര് നമുക്കിട്ടു തന്നെ പണി തന്നു' എന്നും പറഞ്ഞ് വിഷിണ്ണനായി മാഷ് പുറത്തേക്കു വലിഞ്ഞ് നടന്നു.
നോക്കണേ ശശിയുടെ കാര്യം!!
നല്ല എഴുത്ത്, സ്കൂൾ കാല ഓർമകളിലേക്ക് കൊണ്ട് പോയി ആദ്യം പേരഗ്രാഫുകൾ
ReplyDeleteആശംസകൾ
നന്ദി ഷാജു ഭായ് ഈ അനുമോദനത്തിന്
Delete:)
ReplyDeletenannayittundu....
നന്ദി mcnooru
Deleteഅവസാനം മാഷ് സസിയായി
ReplyDeleteഹ ഹ ഹ അല്ലേലും ഇപ്പോള് ശശിയുടെ കാലമാണല്ലോ!!
Deleteനന്ദി അജിത്തേട്ടാ, എനിക്ക് വേണ്ടി സമയം ചിലവിട്ടതിന്..
ഇത്രയ്ക്കു ബോധമില്ലാത്ത മഷന്മാരുണ്ടാവുമോ. കാണുമായിരിക്കും. ശരിക്കും എവിടാ നാട്?
ReplyDeleteകഥ ഇഷ്ടമായി.
ഇത്തരം ഒരു പാട് മാഷന്മാര് ഉണ്ടെന്നാണ് എന്റെ ബലമായ സംശയം. രണ്ടെണ്ണത്തിനെ എനിക്ക് തന്നെ അറിയാം! :(
Deleteഇതിലെ മാഷ് എവിടെന്നാ എന്നാണു ചോദ്യമെങ്കില് എനിക്ക് കൃത്യമായി അറിയില്ല (എവിടെന്നുമാകാം!),
ചോദ്യം മ്മളോടാണെങ്കില്, നമ്മള് കൊണ്ടോട്ടീന്നാണ്!
ഒത്തിരി നന്ദി കെട്ടോ , ക്ഷമിച്ചിരുന്നു വായിച്ചല്ലോ !! ):
kollam. kaalangal aake kalakkivechathu vaayanyk cheriya oru alosaram aanu. ennalum nalla humor.
ReplyDelete